Macron thërret një takim krize me biznesmenët e prekur nga tarifat e Trumpit

14:39 | 3 Prill 2025
R J

Presidenti i Francës, Emmanuel Macron, do të mbajë sot një takim në Pallatin Elize, ku do të takojë përfaqësues të të gjitha sektorëve ekonomikë të prekur nga tarifat e reja amerikane.

Presidenti amerikan, Donald Trump, shpalli një normë të re doganore prej 10% për të gjithë produktet e importuara, me një shtesë prej 20% për Bashkimin Europian.

Kjo ka hapur një luftë tregtare të re, me pasoja të mundshme serioze për ekonominë globale, inflacionin dhe rritjen ekonomike, raporton Investing.com

Prodhuesit francezë të verës dhe pijeve alkoolike tashmë kanë paralajmëruar se eksportet e tyre në SHBA do të ulen me të paktën 20% pas shpalljes së tarifave të reja. Macron do të përpiqet të gjejë një qasje të përbashkët ndaj situatës dhe mundësitë e përgjigjeve për të mbrojtur kompanitë evropiane nga këto masa.